• ભાવનગર ચેરીટી કમિશનરની કાર્યવાહી
• મંદિરમાં સત્તારૂઢ દેવપક્ષે કરી હતી માંગણી

ગઢડા(સ્વામિના) ગોપીનાથજી દેવ મંદિર ટ્રસ્ટના પ્રવર્તમાન વિવાદ બાબત ગત 6 ડિસેમ્બરે આચાર્ય પક્ષના ટ્રસ્ટીઓ દ્વારા વિટો પાવર વાપરી દેવપક્ષના ચેરમેન હરિજીવનદાસને ટ્રસ્ટી તરીકે દૂર કરી આચાર્ય પક્ષના રમેશભગતની ચેરમેન તરીકે નિમણૂંક કરવાનો વિવાદ સર્જાયો હતો. આ દરમિયાન પોલીસ ની ભૂમિકા અને વાઈરલ થયેલા વિડીયો બાદ સમગ્ર પ્રકરણે લોકોમાં ભારે ચકચાર જાગી હતી. આ બાબતે આચાર્ય પક્ષ દ્વારા નિમવામાં આવેલા ચેરમેન તરફથી 15 ડિસેમ્બરે મિટીંગ યોજવા એજન્ડા કાઢવામાં આવ્યો હતો. જેની સામે સદર મિટીંગ નહી યોજવા દેવપક્ષ તરફથી ભાવનગર ચેરીટી કમિશ્નરમાં સ્ટે માંગવામાં આવ્યો હતો. આ દરમિયાન સમગ્ર પ્રકરણે મોડી સાંજ સુધી પક્ષકારો ને સાંભળ્યા બાદ આચાર્ય પક્ષના ચેરમેન તરફથી જાહેર કરવામાં આવેલી મિટિંગ સ્ટે કરવાનો નિર્ણય ભાવનગર ચેરીટી કમિશ્નર તરફથી કરવામાં આવતા દેવપક્ષ ને મિટીંગ રોકવા બાબતે સફળતા મળી હતી. ઉલ્લેખનીય છે કે આ પ્રકરણે ગત ૬ ડિસેમ્બર ની મિટિંગ તથા ચેરમેન ની વરણી સહિત ની કાયદાકીય અનિર્ણિત રહેલી બાબતે સમગ્ર મામલો ગુજરાત હાઈકોર્ટે સમક્ષ પહોંચે તેમ જણાઈ રહ્યું છે.