• મંદિરના સંતો દ્વારા ગ્રંથને પુષ્પ અભિષેક સાથે ડ્રાયફ્રુટથી અભિષેક કરાયો
• કોરોનાની ગાઈડ લાઈન વચ્ચે સાદગી સાથે કાર્યક્રમ કરાયો

સ્વામિનારાયણ ભગવાન દ્વારા હરિભક્તોની સભામાં જે બોલતા તે મુખારવિંદના શબ્દો સંતોએ લખ્યા અને વચનામૃત ગ્રંથમાં લખવામાં આવતા હતા. જે ગ્રંથને 201 વર્ષ પૂર્ણ થયા ત્યારે વચનામૃત ગ્રંથના પ્રાગટય દિનની આજે ગઢડા ટેમ્પલ બોર્ડ દ્વારા સંતોની હાજરીમાં ઉજવણી કરવામાં આવી હતી. વચનામૃત ગ્રંથ લખવાની શરૂઆત આજ સ્થળ પર કરવામાં આવી હતી તે જ સ્થળ પર આજે સંતો દ્વારા વચનામૃત ગ્રંથ પર પુષ્પ અભિષેક કરવામાં આવ્યો હતો.

તેમજ સંતોની હાજરીમાં તેમના જ હસ્તે ડ્રાયફ્રુટનો અભિષેક કરવામાં આવ્યો હતો. તેમજ વચનામૃત ગ્રંથની આરતી કરવામાં આવી હતી. ઉજવણી પ્રસંગે ગઢડા ગોપીનાથજી ટેમ્પલ બોર્ડના ચેરમેન હરિજીવનદાસ સ્વામી, સાળંગપુર હનુમાનજી મંદિરના શાસ્ત્રી હરિપ્રકાશ દાસજી ખાસ હાજર રહ્યાં હતા. કોવિડની ગાઈડ લાઈન મુજબ સાદાઈથી વચનામૃત ગ્રંથની 201મી ઉજવણી ઘાર્મિક પરંપરાગત સાથે કરવામાં આવી હતી. ઉજવણીમાં સંતો, સાંખ્યયોગીની બહેનો અને હરિભકતોએ ઉપસ્થિત રહીને લાભ લીધો હતો.